MVA Pro Division club thar Durtlang North

Mizoram chhunga volleyball inelna lian ber Pro Volleyball League-a vawi hnih inlan tawh 3rd MAP chu Mizoram Volleyball Association hnuaia division sang ber Pro Division Club an nihna aṭangin an inhnukdawk a, an hmun­ruak luah turin Dur­tlang North VC thlan an ni.

MVA hnuaia division sang ber club ni tur hian tun thlatira khelh zawh tak Pro Division Playoff a inlan team zinga a cheṭha zual aṭangin auction neih a ni a, a chhang huai ber Durtlang North lak an ni ta a ni.

Tunah hian MVA hnuiah player thar ziah luh theih hun (registration) hawn mek a ni a, July 22 thleng hun hawn a ni ang.