Beiseina thar neitu Leonardo Bonucci

Juventus aṭanga AC Milan pantu Leonardo Bonucci chuan a club tharah beiseina a neih thu a sawi a, tun transfer chhunga Milan chet dan chu lawmawm a tih thu a sawi tel bawk.

Italy international hi Turin club tan tlarhnungah player pawimawh a ni phak a, season tharah pawh Juve innghahna pakhat tura ngaih a ni. Mahse, manager Massimiliano Allegri nen an thu a inhmuh theih miau loh avangin a chhuah a ngaih phah.

Kum 30 mi Bonucci chuan, "Hringnunah chuan chona thar hmachhawn zel kan duh ṭun. Juve-ah sulhnu ṭha tak ka hnutchhiah tawh a, San Siro-ah pawh nomawi hawn ngei ka tum ang. Milan hian tun hma lama a ropuina ang kha nei let leh turin tun hnaiah thapui a thawh mek a, hei vang hian beiseina pawh a sang hle," tiin a sawi.

Bonucci hian Milan training a zawm tawh a, Inrinni tlaia Bayern Munich nen an inhmachhawn hunah a match hmasa ber a khelh theih beisei a ni.