Pound maktaduai 24 man Arnautovic

West Ham chuan Austria forward Marko Arnautovic lalut turin Stoke City chu inremna an neihpui a, club pahnih inremna zat hi pound maktaduai 24 a ni. Ham­mers hian Stoke hi ṭum hnih lai an dawr hlawhchham tawh a, sum tam zawk nena an lan meuh chuan Potters an ṭang zo lo.

Arnautovic hian kum li liam ta khan Werder Bremen aṭangin Stoke hi a zawm a, Potters-a cham zel turin thla 12 bak a contract-ah a nei tawh lo. Kum 28-a upa striker hian chhuah a dil ve bawk avangin Stoke tan kum khat hnua a thlawna chhuahtir chance a sang a, pound maktaduai 24-a kaltir mai hi thutlukna fing a ni.

Austria international hian season hman zawh takah khan Stoke tan inelna hrang hrangah match 35 a khel a, goal sarih a khung.