Wijnaldum a hliam na

AS Roma midfielder Georginio Wijnaldum chu training an neih laiin a hliam, a ke ruh a tliah avangin November thla tawp aṭanga khelh tur Qatar World Cup-ah a inlan thei dawn em, tih a chiang ta lo, a inkhelh theih a rinawm ta lo.

Netherlands midfielder hian hmanni lawk khan Paris St-Germain aṭangin Roma hi loan hmangin a zawm a, a club thar tan season tharah hian player pawimawh ni tura beisei a ni, mahse hun rei tak a chawlh a ngai dawn ta zawk.

Roma chuan Liverpool midfielder hlui chawlh chen tur hi an la puang chiang rih lo. Amaherawhchu, a ke dinglam ruh a tliak tih erawh an sawi chiang thung a, ngai awh leh tur chuan hun a mamawh rei dawn tih a chiang.

Italian club Roma tan chauh a pawi a ni lo, an ram Netherlands tan Wijnaldum inhliam hi a pawi phak. World Cup group A-ah Senegal, Ecuador leh Qatar te nena inel tur an ni.