Zaninah UCL Playoff khel dawn

UEFA Champions League khel tur zawnna playoff chu zanin hian khelh a ni dawn. UCL khel tur club 26 a hriat tawh a, club paruk chiah hriat tawh loh avangin match ruk khelh tur a la awm.

Zanin dar 12:30 hian playoff match thum khelh a ni ang a, August 24, Nilaini zanah match thum dang khelh a ni ang. UCL group stage draw hi August 25, Ningani zan dar 9:30 hian Istanbul, Turkey-ah neih a ni ang.

Draw-ah hian pot 1-ah UCL champion Real Madrid leh Europa champion Eintracht Frankfurt bakah Manchester City, AC Milan, Bayern Munich, Paris Saint-Germain, Porto leh Ajax te an awm.

Tling belh tur parukte dinhmun a zirin pot dang pathum hi siam rem a la ni dawn a, tling tawh dang team 18-te chu Liverpool, Chelsea, Barcelona, Juventus, Atlético de Madrid, Sevilla, RB Leipzig, Tottenham Hotspur, Borussia Dortmund, Salzburg, Shakhtar Donetsk, Inter Milan, Napoli, Sporting CP, Bayer Leverkusen, Marseille, Club Brugge leh Celtic te an ni.

Hmun ruak paruk hi Champions path leh League path-in an ṭhen hrang. Champions path-ah hi chuan ram khat champion ho an awm a, amaherawhchu, UCL group stage khelh nghal theihna ticket nei lo ho an inel. League path-ah hian champion pha si lo mah se club ṭha nei ram ni si an tel thung.