Season bulṭan lo tur Barkley

Everton midfielder Ross Barkley chu a ṭhâl na zai a ni a, a hliam vang hian chawlh kar li chhung vel a chawlh a ngaih dawn avangin Premier League season tir lamah a hmel kan hmu thei dawn lo.

England international Barkley hian Everton tan season khat daih bak contract a nei tawh lo a, contract thar ziak tura an sawmna a la pawm lo. League lama an elpui Tot­tenham Hotspur pan tur anga ngaih an ni, tuna pre season tour a zawm loh chhan erawh a hliam vang a ni.

Everton hian thu lawm­awm loh dang an la nei, defender Ramiro Funes Mori chu a khup na vangin thla ruk chhung vel a chawlh a ngai dawn. Funes Mori hliam hi Barcelona-ah zai tur a ni.

Ronald Koeman-a naute hi season thar in­buatsaih nan Nether­lands-ah an zin mek a, Nilaini zan khan Dutch club FC Twente chu 3-0 in an hneh. Everton tan hian Kevin Mirallas, Kieran Dowell leh Aaron Lennon ten goal an khung a, Wayne Rooney pawh bench aṭangin a tlan lut ve bawk.