US Open khel tur ṭhenkhat a chiang

Tennis inelna lian Grand Slam pali zinga a hnuhnung ber tur US Open khelh hun a hnai a, hard court tournament-a inlan thei tur ṭhenkhat a chiang tawh. World number 1 Andy Murray leh hmeichhe number 1 thar Karolina Pliskova te chu hming langsar an ni.

Tunkar aṭanga number 1 ni hlim Pliskova hi nikum khan Flushing Meadows-ah hian pahnihna a ni a, final-ah Angelique Kerber a ngam lo. Champion lai Kerber bakah Venus Williams, Sam Sto­sur, Svetlana Kuznetsova, Garbine Muguruza, Petra Kvitova, Francesca Schiavone, Victoria Azarenka leh Jelena Ostapenko te chu hming langsar an ni ang.

Kumin US Open-ah hian hmeichhe singles khel turin player 99 an tling chiang nghal dawn a, heng zinga 13 chu khawtual player an ni. Vawi ruk champion tawh Serena Williams leh hliam vanga buai mek Bethanie Mattek-Sands te erawh New York-ah hian an inkhel ve thei dawn lo.

Mipa huangah kum 2012 cham­pion Murray bakah he hmuna hlawhtlinna chang tawh Roger Federer, Rafael Nadal, Novak Djokovic, Stan Wawrinka, Marin Cilic leh Juan Martin del Potro te chu hming langsar an ni ang.