Bayern Munich captain Neuer

Manuel Neuer chu Bayern Munich captain thar a ni ta. Germany cap­tain hian season tawp ruala chawl ta Philipp Lahm ai a awh chho dawn tihna a ni.

Bundesliga champion Bayern chairman Karl-Heinz Rummenigge chuan, "Manuel Neuer hi hruaitu ṭha a ni a, Philipp Lahm a chawlh tak avangin ani hian captain armband a hreng ang," tiin a sawi.

Ram tana match 74 khel tawh Neuer hian kum 2011 khan Schalke aṭangin Bayern a zawm a, inelna hrang hrangah match 295 khel tawhin league nomawi panga bakah Champions League a chawi tawh.

Kum 31 mi Neuer hi a ke phah hliam zai a ni a, a la dam chian loh avangin China leh Singapore-ah pawh a zin ve thei lo. Au­gust 18-a Bundesliga khelh ṭan a nih hunah erawh inlan thei tawh tura beisei a ni.