Enge Instant Trading Card?

ISL 2015 player draft-ah instant trading card hman a ni a, chu dan chu eng nge a nih? tih chu zawhna awm thei a ni. Third round hnu lamah he dan hi hman theih a ni dawn. Entirnan, NorthEast United-in an player lei theih hun a thlen hunah Daniel Lalhlimpuia an lei a, mahse Serchhip striker hi Delhi Dynamos chuan lak an lo tum ve avangin Highlanders-in Daniel-a an lei thu an puan second 15 chhungin Daniel-a an duh ve thu an puang ang.

Club pahnih aiawhte hi Instant Trading Table lamah an insawn ang a, player pahnih lei chungchangah an inbia ang a, hun pek an nih chhungin an tih fel hman a ngai dawn a ni.

ISL draft-a instant trade hmanna hmasa ber chu Mizo rawlthar Lalrempuia Fanai a ni. Kum 2015 khan Lunglei rawlthar hi ISL draft-ah telh a ni a, Delhi Dynamos chuan a man inṭanna zat nuai 1.8-in Lunglei rawlthar hi an lei. Mahse, Pune City chuan Rempuia hi lakluh an duh ve si a, Delhi-in draft-a he player an thlan aṭanga second 15 chhungin Pune-in an duh thu an puang ve nghal.

Club pahnih an indawr a, Delhi Dynamos hian an player lei tawh sa hi nuai 9.2-in Pune City-ah an hralh chhawng leh ta a ni. A hrilhfiah dan awlsam berah chuan draft neih laia club-in player a hralh theihna dan hi 'instant trading card' an tih chu a ni.