Hmeichhe World Cup final-ah India

Harmanpreet Kaur chuan century siamin India chu Australia lakah run 36-in hnehna a chanpui a, Hmeichhe Cricket World Cup final a hruai thleng - Kaur hian ball 115 lek hmachhawn chungin run 171 a siam a, Indian player zingah heti zata run tam World Cup-a siam an la awm ngai lo.

Derby khawpuia inkhelah hian India an bat hmasa zawk a, ruah surin inkhel a tihbuai avangin over 42-a khelh a ni. India tan Kaur hian run 171 a siam mai a ni lo a, a tawp thleng a dam. India hian over 42-ah run 281 an siam a, wicket li chiah an hloh.

Australia-in Alex Blackwell (90) hmangin beiseina sang tak rawn nei hman mah se over 41-ah an out vek a, run 245 siama an out vek avangin India-in hnehna an chang. Pathianni tlai dar 3:00-ah final khelh a ni dawn a, India hian inelna thlengtu England an hmachhawn ang.