Chess inelna lian khel ṭan

Mizoram Chess Association (MCA) hnuaia inelna lian leh ngaihhlut - David Memorial Chess Trophy chu nimin aṭang khan khelh ṭan a ni. Tualchhung chess khel thiamte chu ropui ber nih inchuhin Ramhlun Indoor Stadium-ah an fuankhawm.

Inelna hi 1997 khan a vawi khat nan neih a ni a, kumin hi ṭum 11 an neihna a ni. Inelna hi a duh apiang tel theihna (open) leh kum bithliah inelna (age category) hrang hrang siam niin, lawmman atan Rs 1,59,800 sem ral a ni ang.

Open leh age category a tel turte chu All India Chess Federation (AICF) register player an ni tur a ni, tih a ni. Veteran erawh chu ngaihna thiamna neih an ni thung. Kum hnih dana khelh ṭhin niin harsatna dang leh hripui avangin khelh theih loh kum a awm bawk.

MCA hmalaknain Aizawl District Chess Association chuan, zirna in hrang hrangah Chess in Sikul (CIS) beihpui a thlak mek bawk. Naupang ten taksa mai bakah rilru hrisel leh chak ṭha an neih theih nan, thluak tih chak nan leh sawizawi nana tih a ni.