Third round-ah Saina a lut

BWF Badminton World Championship khelh laiah Saina Nehwal chuan Cheung Ngan Yi hnehin third round a inhlangkai. Indian badminton star hian Nozomi Okuhara hmachhawn leh tur a ni a, mahse a khingpui tur hi hliam vangin a inhnukdawk.

Hong Kong nula Ngan Yi hian Saina hi kawng tinrengin a khan lo, minute 38 chhung lekin world number 1 hlui hi 21-19, 21-9 in a chak. A hmachhawn leh tur Japanese nula a inlan dawn loh avangin Saina hi inkhelh hah ngai loin a tlang.

Nimin inkhel dangah Treesa Jolly leh Gayatri Gopichand te ṭangdun chuan minute 31 chhungin, Malaysian player Low Yeen Yuan leh Valeree Siow te inkawp chu 21-11, 21-13 in an hneh bawk.

Mixed doubles lamah Indian player Venkat Gaurav Prasad leh Juhi Dewagan te erawh an chak lo. English player pahnih Gregory Marris leh Jenny Moore te lakah 21-10, 23-21 in an tlawm thung.