Newcastle pan tur Joao Pedro

Newcastle United leh Watford te chu Joao Pedro chungchangah pound maktaduai 25-in inremna an nei niin journalist lar Fabrizio Romano-a'n a ziak. Amaherawhchu transfer chungchanga rintlak Fabrizio pawhin a tidik vek bik lo, club pahnih hian inremna an la neih loh avangin Magpies hian pound maktaduai 30-in an dawr nawn a, inremna erawh nei ngei tura ngaih a ni.

Kum 20 mi Pedro hi Fluminense aṭanga inzir chhuak a ni a, kum 2020 khan Premier League club Watford a pan. Hornets hi Pedro-a'n a zawm hnuah Championship-ah an tla tawh a, Premier League tling lehin season liam ta khan an tla thla leh. Brazilian forward hian Watford tan match 71-ah goal 13 a khung a ni.