A sang 20 zingah Garcia a tel

Hmeichhe tennis thuneitu sang Women's Tennis Association (WTA) chuan ranking a ti chhuak thar a, tun hnaia che fuh tak Caroline Garcia chu a sang zual 20 zingah a inhlangkai ve leh ta.

Garcia hian tun hmain world number 3 dinhmun pawh a lo luah tawh. Mahse a tlahniam a, Cincinnati Masters an khelh hma kha chuan world number 35 a ni daih. WTA1000 title a lak hnuah erawh 17-naah a invawrh chho.

Cincinnati Masters final-a chak lo zawk Petra Kvitova pawhin hma a sawn. Czech Republic nula hian a hma a player pasarih ngawt kal khumin 21-naah a inhlangkai bawk - US Open an khelh dawn hnaih avangin ranking sang hi a pawimawh.

US Open champion lai Emma Raducanu pawhin hma a sawn hret. British tleirawl hian mi pahnih kal kanin 11-naah a awm. Naomi Osaka erawh tun hnaiah result a neih ṭhat loh avangin world number 44-naah a tlhniam leh ta a ni.