Madrid Open champion Murray

A takah tennis khel thei rih lo mah se Madrid Open chu online video games hmanga khelh a ni a, world number 1 hlui Andy Murray chu a thiam ber.

Britain tlangval Murray hian semifinal-ah Diego Schwartzmann hmachhawn tur a ni; Argentine tlangval hi internet chiang lo vangin a inlan thei lo, final-ah Belgian player David Goffin a hneh.

March thla aṭang khan coronavirus vangin tennis inelna pangngai a awm tawh lo, tuna an ruahman dan chuan July thla chawhnu lamah tournament khelh leh an beisei chauh.

Inelna pangngai awm thei lo mah se Madrid Open buatsaihtute hian midang puihna tur sum tuak nan video games hi an buatsaih a, ngaihhlut a hlawh ang reng hle.

Champion Murray hian £35,700 (Rs nuai 33) a dawng a, a pawisa dawn hi hri leng vanga ṭanpui ngaite puih nan a hlan nghal.

Hmeichhe inelna lamah Netherlands nula Kiki Bertens chuan Fiona Ferro hnehin a champion ve bawk.

Pathianni tlai hian midang ṭanpuina tur sum tuak nan International Management Group (IMG) chuan online video games a buatsaih dawn bawk a, inelnnah hian Serena Williams, Naomi Osaka leh Kei Nishikori te bakah tennis khelh pangngai chawlhsan tawh Maria Sharapova pawh a inlan ang.