Ukraine-ah Dinmawia a champion
Mizo boxer Laldinmawia chu Ukraine-a inelna neih 21st International Boxing Simon Trestin Memorial Tournament-ah a champion.
July 17-23 inkar khan Odessa, Ukraine-ah he inelna hi neih a ni a, Tuipui tlangval Dinmawia hian flyweight (52 kg) category-ah hnehna a chang. India aiawhin boxer panga an chhuak a, Thomas Meitei Mayengbam chuan 64 kgs category-ah gold medal a la ve bawk.
Mizo boxer hian Inrinni khan final-ah Ukrainian boxer Roman Vagilevich 5-0 in an sawp. Tuipui tlangval hi coach Vulṭhavunga hnuaiah SAI aṭangin a inzir chhuak a, boxing thiam vangin army-ah a lut.
Tuipui boxer hi Zosanga leh Hrilthangi inkara piang a ni a, tun dinhmun a thlen theih nan a nu leh pa an pawimawh hle. Dinmawia chuan, "Boxing inelna hi a ngaina ve hrim hrim a, ka naupan laiin Sunday school kum sarih ka kal kim tawh hnuah Mike Tyson-a te inhnek vangin ka ṭhulh phah hial. Ka pa hian min tuipui a, anni hi ka beidawn lai pawha min fuihtu a ni a, amah vanga tun hun thleng thei hi ka ni," tiin Vanglaini a hrilh.
Dinmawia chuan sawi chhunzawnin, "Sir Vul-a'n kum 2007 khan SAI-a awm turin min thlang a, ani hnuaiah hian boxing hi a bul ṭhat aṭangin ka zir a. Ka tan hian MIZBA-a hotute hi pa ang an ni a, an zarah boxing-ah hmasawnna a awm a ni," tiin a sawi.
Hlawhtlinna
National Level
23th Sub Junior (men) National Boxing C'ship : February 2008, Assam (Golagat) - Gold medal
24th Sub Junior (men) National Boxing C'ship : December 2008, Sikkim (Gangtok) - Gold medal
25th Sub Junior & Junior (men) National Boxing C'ship : 2009, Aurangabad (Maharastra) - Gold medal
1st Sub Junior (men) National Boxing C'ship : 2010, Kolkata (West Bengal) - Silver medal
27th Junior (men) National Boxing C'ship : 2011, Pune (Maharastra), Gold medal & Best boxer
XXIV North East Games : 2012, Aizawl (Mizoram) - Gold medal
4th Junior & Sub Junior (men) National Boxing C'ship : 2012, Akola (Maharastra) Gold medal.
1st Elite Senior (men) National Boxing C'ship : 2016, Assam (Guwahati) - Bronze medal
International Level
12th Junior international Boxing Tournament : 2010, Almaty (Kazakhstan) - Bronze medal
Heydar Ali Cup - 2011, Baku (Azerbaijan) : Participated
Junior Traning cum-competition : 2012 Yanggabad (Uzbekishtan) - Participated
Heyndar Ali Cup : 2012, Baku (Azerbaijan) - Participated
9th Youth International Boxing Tournament Agalarov' Cup : 2013, Baku (Azerbaijan) - Participated
21st International Boxing Simon Trestin Memorial Boxing Tournament : 2017, Odessa (Ukraine) - Gold medal