A vawi khat nan Isaac

Indian Super League-a Mizoram chhuak player inlan tur 14 zingah a vawi khat nana ISL khel tur player pathum an awm a, Isaac Vanmalsawma, Sairuatkima leh Lalṭhakima te an ni.

Shillong Lajong aṭanga Indian football ngainatu ten an hmelhriat Isaac chuan, "A vawi khat nan ISL ka khel ve dawn a, ka phur takzet. Coach thar hnuaiah, league hran ka khel dawn a ni a, ka hmaa chona hmachhawn turin ka inpeih tawh," tiin Vanglaini a hrilh.

Hnahthial rawlthar Isaac hian Shillong Lajong-ah contract nei mah se Meghalaya club hian chona phurawm zawk hmachhawn turin an midfielder hi a chhuah an phal sak a, Pune City chuan nuai 15-in an lalut ta a ni.