Reds defender thar Robertson

Liverpool chuan an tlarhnung thuam chak nan Hull City defender Andrew Robertson chu pound maktaduai 8 sengin an lalut a, a contract rei zawng tarlan a ni lo.

Kum 23 mi Robertson hian 2014 khan Dundee United aṭangin Hull hi a zawm a, season hmasa khan inelna hrang hrangah match 39 inlanin a club chu Premier League-ah a inhamtan pui zo lo. Heti chung hian Premier League club ṭhenkhat bakah PSV Eindhoven leh Sporting Lisbon te chuan an ngaihven hle a ni.

Robertson chuan, "Ka naupan lai aṭangin club lian tana khelh ka châk ṭhin, ka khelh chak ṭhinna zinga pakhat chu Liverpool hi a ni. He club tana khelh baka thil châkawm hi ka tan chuan a awm thei tawh chuang lo ang," tiin Reds a zawm vanga a lawm thu a sawi.

Liverpool manager Jur­­gen Klopp pawhin Robertson chuan an club khelh dan phung a thiam nghal a beisei thu leh an tlar­hnung tichak thei tura an beisei a nih thu a sawi bawk.

Tun nipui chhungin Reds hian Robertson bak­ah AS Roma forward Mohamed Salah leh Chelsea striker Dominic Solanke te an lalut tawh bawk a ni.