Hammers player manto ber Marko Arnautovic

West Ham chuan Stoke City aṭangin Aus­tria forward Marko Arnautovic chu pound maktaduai 20-in an lalut a, a man hi pound maktaduai 25 thlenga sang chho thei tur niin Hammers player man to ber a ni. London club tan hian kum nga daih contract a ziak.

Kum 28 mi Arnautovic hian Bundesliga club Werder Bremen aṭangin Stoke City a zawm a, Potters tan hian kum khat daih bak contract a nei tawh lo a, contract thar ziah aiin an elpui club zawm a thlang. Season hmasa khan inelna hrang hrangah match 35 khelin goal sarih a khung.

Austrian international Arnautovic chuan, "West Ham hi club lian leh ṭha a nih bakah hmasawn tuma hma la mek an ni a, an zinga ka tel ve thei tur hi ka lawm hle," tiin a sawi.