Tour de France champion Froome

Cycle intlansiak ngaihhlut Tour de France-ah Chris Froome chuan second 54-a German Andre Greipel hnehin a vawi li nan a champion.

Team Sky rider hi Tour de France title lak hnem lamah pahnihna a ni ta chiah a, a chungah hian vawi nga champion thei rider pali - Jacques Anquetil, Eddy Merckx, Bernard Hinault leh Miguel Indurain te an awm. British rider Froome hian 3,540 km a thui tlan tur hiAn darkar 86 bakah minute 20 leh second 55 hun a hmang.

Kum 32 mi Froome chuan, "Hnehna ka chan apiang hi a ropuiin a hlu vek a, ṭum dang zawng aiin kumin chu a hautakin a hahthlak hle. Kan inel tawk hlawm em em a, second tlemte chauha hnehna chan chu a hlut dan pawh a dang bik hle," tiin a sawi.

Kumin Tour de France hi a vawi 104-na a ni a, 3,540 km zeta thui an tlan. Team hrang hrang 22 aṭangin rider 198 zet an inel a, inelna hi stage 21 thleng neih a ni.