German Footballer of the Year Lahm

Bayern Munich cap­tain hlui Philipp Lahm chuan inkhelh chawlh­san tawh mah se German Footballer of the Year for 2017 atan thlan a ni.

Kum 33 mi Lahm hian season hmasa zawh rual khan inkhelh a chawlh san a, a inkhelh hun chhung khan Bayern Munich tan Bundesliga nomawi pariat, German Cup paruk leh Champions League no­mawi pakhat a chawi bawk.

Inkhelh a chawlhsan dawn season hnuhnung berah Lahm hian Bayern chu league nomawi a chawi pui a, a chawlh hnu­­ah Bayern Hall of Fame-a lakluh a ni zui bawk. Season hmasa a sulhnu ṭha tak avangin hian German journalist-te chuan Footballer of the Year atan an thlang a, pahnihna chu Real Madrid midfielder Toni Kroos a ni.

Germany tana FIFA World Cup nomawi chawi tawh Lahm chuan, "Kan ram journalist-te hian ka inkhel kha an en ṭhin tih ka chiang. Ka hun hnuhnung bera Footballer of the Year chawimawina min hlan hi ka lawmin ka chhuang hle," tiin a sawi.

Hoffenheim enkawltu Julian Nagelsmann chu German Mana­ger of the Year atan thlan a ni bawk. Bundesliga club zinga manager naupang ber, kum 30 mi Nagelsmann hian season hmasa khan a club chu league-ah palina a nih pui a, season tharah Champions League play­off an khel ang.