Real hmachhawn lo tur Bailly

Manchester United defender Eric Bailly chu season hmasa Europa League semifinal-a Celta Vigo nen an inkhelh ṭuma red card a hmuh avangin match thum khel thei lo tura hrem a ni.

Ivory Coast interna­tional defender Bailly hian hrem vangin Europa League final a hmachhawn thei tawh lo a, hei bakah hian August 8-a Real Madrid nen UEFA Super Cup an khelh hunah leh Champions League group stage match hmasa berah a inlan thei dawn lo.

Europe football thu­nei­tu sang ber UEFA hian referee-in player hrem loh tur zawk a hrem ṭumah chauh thutlukna an thlak thei a, United defender hian hrem­na hi a khinglet thei lo ang.

Kum 23 mi Bailly hi Celta Vigo forward John Guidetti laka kut a thawh avangin hnawhchhuah a ni a, hemi thungrultu Spanish club player Fa­cundo Roncaglia pawh hnawhchhuah tel a ni.

UEFA chuan Pre­mier League club hi semi­final-a inkhelh hun taka an ṭan theih loh avangin a zilh bawk.