Bernardeschi-a'n Juventus a zawm

Italian champion Ju­ventus chuan league lama an elpui Fiorentina forward Federico Ber­nardeschi chu pound maktaduai 35-in an lalut. Italy international hian Turin-ah kum nga cham turin contract a ziak a, tuna a contract ang chuan kum 2022 June thla tawp thleng Juve tan a khel dawn tihna a ni.

Kum 23 mi Bernar­deschi hian season hmasa khan Fiorentina tan inelna hrang hrangah match 42 a khelh aṭangin goal 13 a khung. Kumin Euro Under 21-a Italy aiawhtu hi Juventus chuan, "Eu­ropean rawlthar zinga hmabak nei eng ber pa­khat" tiin an tarlang.

A zawna season nga chhung Serie A no­mawi chawi thei Juve hian Gonzalo Higuain, Paulo Dybala leh Mario Mand­zikic te an neih sa avangin season tharah chuan Ber­nardeschi hi rin­rawl a la ni phak kher lo ang.

Tun nipui transfer chhungin Juve hian Woj­ciech Szczesny, Medhi Benatia leh Douglas Costa te an lalut tawh bawk. Ber­nardeschi hian United States lamah Juven­tus pre season tour a zawm zui ve nghal ang. Juve hian July 27, Ningani zing dar 6:00-ah French Ligue 1 club ṭha Paris Saint-Germain an hmachhawn dawn a ni.