US Open atan Djokovic dinhmun a derthawng

Kumina Grand Slam hnuhnung ber tur US Open-ah Novak Djokovic a inlan thei dawn nge dawn lo tih a la chiang lo, Tennis Federation of Serbia doctor chuan an player dinhmun a ṭhat loh thu a sawi.

World number 1 hlui Djokovic hi a kiu hliam vangin Wimbledon quar­terfinal-ah a inhnukdawk a, inkheh zawh­­ah a hliam chu tun hma deuh aṭanga a buaipui tawh a nih thu a sawi zui.

Serbia doctor Zdeslav Milinkovic chuan, "A hliam hian a ruh a nghawng tel a, dam tur chuan hun a duh rei dawn. Ka hmuh dan chuan chawlhkar 12 vel lai a chawlh a ngaih hmel," a ti. Hard court-a khelh ṭhin US Open hi August 28 aṭanga khelh ṭan tur a ni ang.

Kum 30 mi Djokovic hian 2011 leh 2015 khan US Open nomawi hi a lo chawi tawh a, kumina Grand Slam pathum an khelh tawhah final a la thleng zo lo vek.