Olympic medal lilam dawn

India infiammi zinga mimal inelna bika Olympic medal la hmasa ber latu Khashaba Jadhav-a bronze medal dawn chu ama puala din wrestling academy enkawl nan lilam a ni dawn.

Kum 1952 Helsinki Olympics-ah khan khatih laia kum 27 mi Khashaba Jadhav chuan India history ziak danglam turin inchaiah bronze medal a la a, India tan Olympic individual sport-a medal la hmasa ber a ni.

Khashaba Jadhav-a fapa Ranjit Jadhav chuan, "Ka pa hming chawiin wrestling academy din a ni a, sorkar lamin an intiam ang an tih hlawhtlin takah lohah chuan hreh tak chungin he thil hi kan tih a ngai dawn ta a ni," tiin a pa medal dawn an lilam tur thu a sawi.

Maharashtra sports minister Dilip Deshmukh chuan kum 2009 khan he wrestling academy tihchangtlun nan hian hma an lak thu a sawi tawh a, kum 2013 December thla khan vaibelchhe 1.58 lai pekchhuah niin an sawi bawk. Mahse, tun thlengin sum hi a taka hmuh tur a la awm lo.

Ram dangte ngaihtuahin India hian Olympic-ah sulhnu a nei ṭha tawk lo, kum 1948 London Olympic-ah khan mipa hockey team chuan gold hmasa ber an hlawh chhuak ve bawk. Olympic hnuhnung ber Rio-ah khan PV Sindhu chuan badminton hmeichhe singles-ah silver medal a la.