MBBA Season Opening Tournament A thiam pali chu MSL club vek
Mizoram Basketball Association buatsaih MBBA Season Opening Tournamnet hmawr bawk a hnai a, zanin hian Hawla Indoor Stadium, Republic Vengthlangah semifinal khelh tur a ni.
MSL3 semifinal rematch
Inelna neih mekah hian a thiam pali chu Mizoram Super League club vek an ni a, tlai dar 5:00-ah MSL champion lai Mission Veng Vikings leh Tuikual South an inkhel dawn a, club pahnih hi player leh fans nei ṭha an ni - an inkhel a hmuhnawm ang.
Vikings hian tualchhung basketball inelna sang ber MSL nomawi an chawi dawn ṭum khan semifinal-ah Tuikual hi an hneh a, hemi ṭum hian Ronald March chu player langsar ber a ni. Tun ṭumah March a tel tawh dawn lo a, Tuikual tan phuba lak theihna hun ṭha a ni ang.
Semifinal hnuhnung zawkah MSL vawi hnih champion tawh Khatla TBL leh MSL season hmasa ber finalist Zarkawt BCA te an inhmachhawn dawn bawk. Tualchhung basketball-in tun hnaiah hma a sawn a, season khuhhawna tournament-ah hian state pawn player tel lo pawhin tualchhung club ten inkhel hmuhnawn an lantir thei zel.
MSL season hnuhnung berah khan TBL lamin bul an ṭan fuh lo a, BCA erawhinin duhthusama ṭhain bul an ṭan thung. Mahse, semifinal-ah team huaisen zawk TBL hian BCA hi an hneh let, Zarkawt club hian semifinal-a hneh loh ngai laka tlawm nawn an duh lo ang.
Thawhlehni Inkhel Results
Zarkawt BCA 69 - 60 Republic VR4
Mission Veng Vikings 72 - 64 Chawnpui BC
Zarkawt Serpents 66 - 80 Khatla TBL
Vawiin Inkhel Tur
Semifinal
05:00 PM Mission Veng Vikings vs Tuikual South BC
07:00 PM Zarkawt BCA vs Khatla TBL