Cuttack-ah Mizo hmeichhia chak

Junior Girl’s National Football Championship khelh mekah Mizoram Junior Girls team chuan nimin khan an match hmasa ber an khel a, hnehna an chang nghal.

Cuttack-a inkhelah Mizoram hian Andhra Pradesh chu 10-1 in an hneh a AIFF hnuaia inelna Junior Girl’s National Football Championship-ah bul an ṭan ṭha hle.

Mizoram tan hian Grace H. Lalrampari leh Ruthy Lalrinmawii te chuan goal thum ve ve an khung a, Lal-ruatsangi'n goal 2 khungin Vanlal-hriattiri Bawitlung, leh Lalrinzuali ten goal khat ve ve an thun ve bawk.

Mizoram hian Au­gust ni 1-ah Sikkim an hmachhawn leh ang a, August ni 4 a an group match hnuhnung berah Chhatisgarh nen an inkhel ang. Inelna hi August ni 10 a khelh zawh­fel tura ruahman a ni.