India ramah boxing inelna lian

India chuan a vawi khat nan mipa boxing world championship a thleng dawn tih Inter­national Boxing Asso­ciation (AIBA) chuan a tichiang ta, inelna hi kum 2021-a neih tur a ni ang. Nakkum hian hmeichhe boxing world championship a thleng dawn bawk.

India hian hmeichhe inelna lian chu kum 2006 pawh khan a thleng tawh a, mipa world cham­­pionship tak hi tun hmain a la thleng ngai lo. Mipa inelna huanga a thlen tawh langsarah chuan Mumbai khawpuia neih 1990 World Cup leh 2010 Commonwealth Cham­pionship, New Delhi-a neih takte kha an ni.

Boxing Federation of India President Ajay Singh chuan, "Inter­national Bo­xing Association (AIBA) hmaah kan duhna, theihna leh ruahmanna te kan thlen a, anni hian ngun taka an ngaihtuah hnuah infiamna lian thleng tlakah min ngai. AIBA chuan nakin zelah India hian boxing hmasawn zel nan tha a thawh hlawk theih a beisei a ni," a ti.