World championship-a Inlan lo tur Rutherford

August 4-14 chhung­in London-ah World Championship neih a ni dawn a, long jump champion lai Greg Rutherford chu a ke rek na vangin a inlan thei dawn lo.

Rutherford hian 2012 Olympic-ah khan gold medal a la a, kum 2015 khan word champion a ni zui leh bawk. Britain aiawh tura thlan chhuah zingah 4x100m relay tlan tur Richard Kilty chu a kut zungṭâng tliak vangin a inhnukdawk tawh bawk.

Commonwealth leh European champion pawh ni tawh Rutherford chuan, "Kum bul ṭha takin ka ṭan a, kum dang zawng ai pawhin training ka nei ngawrhin ka nei ṭha zawk. Inelna tak neih dawn hnaiah hliam ka nei hi pawi ka ti a, ka ke rek na vang hian London-ah ka inlan thei dawn lo a ni," tiin a sawi.