Courtois tan Zamora Trophy

Season hmasa ṭan dawna Real Madrid a zawm kha chuan Thibaut Courtois hi fiamthu thawh nan an hmang a, Chelsea-a keeper ṭha a nihzia lo pholang tawhtu hian beisei a phak lo. 

Mahse, Belgian keeper hi a beidawng duh lo. Tun season-ah Real tan a zia tak tak a rawn chhuah a, match 34-a khelhah clean sheet vawi 18 neiin La Liga-a goalkeeper ṭha ber chawimawina Zamora Trophy a dawng. Atletico Madrid leh Real Madrid tana he chawimawina dawng thei hmasa ber goalkeeper hian league match 34-a khelhah goal 20 chiah a chhuah a, match khata goal 0.59 zel chhuah ang a ni.