ISL nomawi chawi tum Rene

Kerala Blasters coach thar Rene Meulensteen chuan Indian Super League-ah nomawi chawi ngei an tum thu a sawi. Manchester United-a Sir Alex Ferguson-a hnuaia assistant coach din­hmun luah ṭhin chuan, "Nomawi chawi tura inelna hmachhawn kan duh a ni. Ian Hume kan nei let tawh a, Blasters leh fan-te a hmangaih avangin a ni pawh a phur hle," a ti.

Fulham boss hlui chuan, "Club neituten kan chunga rinna an nghah hi a pawimawh em em a, Kerala-a ka lokal chhan hi chu chu a ni. ISL hi din tirh a nih aṭang khan ka ngaihven tawh a, Indian football-in hma a sawn zel a ni. Tunah chuan league khelh chhung rei zawk leh ram pawn player pawh chhawr theih tlem zawkin ruahmanna siam a ni ta a, hmasawnna a awm zel ka beisei," a ti.

Kum 53-a upa mana­ger hi Manchester Uni­ted-ah youth team leh reserve team enkawl tir a nih hnuin 2007-13 season inkarah khan first team coach a ni a, Old Tarfford-a a cham chhungin Sir Alex hoa Premier League nomawi pathum, Champions League (1) leh FIFA Club World Cup (1) an chawi theih nan a thawh hlawk hle.

Dutch manager hi Shillong Lajong coach hlui Thangboi Singto nen an thawkdun dawn a ni.