CSL club-te an fihlim
Chinese Football Association (CFA)-in Chinese Super League club 13 te chu an player-te hlawh an pek ṭhat loh avanga inelna aṭanga petchhuaha a vau hnuah CSL club 10 lai chuan an ba an tlak thu an sawi.
Carlos Tevez khelhna Shanghai Shenhua leh January-a Oscar laluttu Shanghai SIPG-te chuan players hlawh an batsak te chu an pek tlak vek tawh thu an puang a, club langsar zingah Jiangsu Suning, Shandong Luneng leh Beijing Guoan-ten players hlawhah bat an neih tawh loh thu an sawi bawk.
Asian Champions League-a vawi hnih lai champion tawh Guangzhou Evergrande chuan December leh January-ah khan players hlawh batsak vanga buaina chu an lo chinfel daih tawh thu an sawi a, Shanghai Shenhua chuan 90% an chinfel tawh thu leh a dang chu bank account number an pek theih loh avanga pe lo mai chauh an nih thu an tarlang.