Shane Kluivert leh Nike thawkdun dawn

AC Milan leh Barcelona striker hlui Patrick Kluivert hi football ngainatu inti chin zingah a hming hre lo an awm kher lo ang - a fapa, kum kua leka upa Shane Kluivert chuan Nike nena thawkdun turin contract a ziak!

Paris Saint Germain Academy-a awm mek Shane hi Nike-in Europe-a contract an ziahpui infiam­mi zinga naupang ber a ni. Shane hian unaupa, kum 18 mi Justin Kluivert a nei bawk. Justin hian Ajax tan a khel mek a, Dutch footballer zinga hmabak nei êng ber pawla sawi a ni.

Hetihrual hian Kluivert unau hi an pa vanga football khawvelin a ngaihven an ni, tih phat rual a awm lo a, an pa ropuina ang nei tur erawh chuan hmabak an la ngah hle. Kluivert Sr. hian player a nih laiin club hrang hrang tan match 468 a khelhah goal 200 a khung a, ram tan match 79 khelin goal 40 a khung bawk.

Ajax tana a khelh laiin league nomawi pahnih bakah Champions League nomawi a chawi a, Bar­celona chu La Liga-ah a champion pui bawk - a nep lo.