Asia Cup khel turin Hong Kong an tling

T20 hmanga cricket inelna Asia Cup chu August 27 aṭanga September 11, 2022 chhung hian UAE-ah khelh a ni dawn. Inelnaah hian ICC full member ram panga India, Pakistan, Sri Lanka, Bangladesh leh Afghanistan te chu an tling nghal a, playoff hmangin Hong Kong an invaw tling.

Playoff hi Eastern leh Western region-a ṭhen a ni a, final round hi Hong Kong, Kuwait, United Arab Emirates leh Singapore ten an thleng. Team pali hi vawi khat ṭheuh an inkhel chhuak a, khingpui zawng zawng hnehtu Hong Kong chu pakhatna an ni.

Match hnuhnung ber hi August 24, Nilaini zan khan khelh a ni a, Hong Kong hian UAE chu wicket riatin an hneh. Muscat-a inkhelah UAE-in over 19.3-ah 147 runs an siam a, Hong Kong-in over 19-ah 149/2 runs siamin target hi an umpha a ni.

Asia Cup Fixtures
Group A : India, Pakistan, Hong Kong
Group B : Afghanistan, Bangladesh, Sri Lanka
August 27, Inrinni
Sri Lanka 7:30 PM Afghanistan
August 28, Pathianni
India 7:30 PM Pakistan
August 30, Thawhlehni
Bangladesh 7:30 PM Afghanistan
August 31, Nilaini
India 7:30 PM Hong Kong