Umtiti-a'n Leece a zawm

France international defender Samuel Umtiti chuan loan hmangin Barcelona aṭangin Serie A club Leece a pan. Leece hi Italian club an ni a, season liam ta khan Serie B-ah champion-in Serie A khel turin an tling.

Leece hian Umtiti hlawh tlem a zawng chauh an pe ang a, Barcelona-in French defender hlawh tam zawk hi an la pe dawn. Chutihrualin Umtiti hi a inlan apiangin Italian club-in Catalan club hnenah 'bonus' an pe ṭhin ang.

2018 World Cup-a France champion puitu zinga mi Umtiti hian kum 2016 khan Lyon aṭangin Barca hi a zawm a, season ruk chhungin match 133 khelin Catalan club hi nomawi pasarih a chawipui. Chungte chu La Liga nomawi pahnih, Copa Del Rey nomawi pathum leh Spanish Super Cup nomawi pahnih a ni.