Vawiinah Pro Fight inbuk

LPS Professional Fight khelh tuma entry form theh lutte vawiin chawhma dar 8 aṭangin Zarkawt YMA Recreation Centre, Aizawlah an inbuk dawn.

August 29, Thawh-ṭanniah LPS Office, Zarkawtah fixture tarchhuah tur a ni a; August 31, Nilaini zan aṭangin R Dengṭhuama Indoor Stadium, Mualpuiah khel ṭanin October 1-ah final tura ruahman a ni.

Weight hrang panga - Fly (kg 48-52), Bantam (kg 52-55.3), Feather (kg 55.3-59), Light (kg 59-63.5) leh Welter (kg 63.5-70)-ah title an inchuh ang.

Boxer tel turte hlawm hniha ṭhen hran an ni dawn a, tawn hriat nei loten a tir aṭangin an khel ang a, boxing inelna hrang hranga hnuhma nei ṭha tawhte stage sang aṭangin an tel ve thung dawn a ni.

Organising Com-mittee-in lawmman pawisa fai Rs 5,50,000 a sem chhuah dawn bakah; KT Enterprise chuan boxer ṭha ber hnenah lawmman ṭha tak pein boxer mi mal lawmman dang, referee leh judge ṭha ber lawmman a tum dawn bawk.

Zanah vek inhnek huaihawt a ni dawn a, inhnek zan apiangin GIG Motors Figter of the Night lawmman sem ziah a ni ang. Ring Announcer, referee leh rudge-in zan khatah lawmman Rs 1,500 zel an dawng ang.