Monaco coach thar Kovac

French Ligue 1 club AS Monaco chuan season lo awm leh tur atan Niko Kovac chu an manager atan an lakluh thu an puang. Nikum December thla lawka an lakluh coach Robert Moreno a thlak dawn a ni.

Pathianni khan Moreno an ban thu an tichiang a, thla sarih chhung bak Monaco a enkawl hman lo tihna a ni. Hun rei lote chhungin Kovac an lakluh thu a chiang zui leh nghal, contract an ziah rei zawng erawh tarlan a ni lo thung.

Monaco vice president Oleg Petrov chuan, "Niko lakah beiseina sang tak kan nei, team a enkawl dan leh kan kalphung a inang. A bik takin player naupang zawk tan hun ṭha a siamsak ṭhinna hi kan duh chhan pakhat a ni," a ti.

Croatia manager Kovac hian 2018-19 season khan Bayern Munich chu Bundesliga leh German Cup a lak pui. Tun season-ah erawh beisei a phak lo, a nomawi kawl lai hloh mai thei dinhmuna a din avangin 2019 November thla khan ban a ni. Tunah chuan chona thar a hmachhawn leh ang.