MBBA Season Opening Tournament chinfel zan

Mizoram Basketball Association club te tana buatsaih MBBA Season Opening Tournament 2017 chu zanin hian Hawla Indoor Stadium, Republic Vengthlangah a hmawr bawk a ni dawn a, zan dar 8:00-ah Tuikual South leh Khatla TBL an inhmachhawn ang - tlaiah hmeichhe final khel en tur a awm dawn bawk.

Ningani zan khen semifinal khelh a ni a, Mizoram Super League champion Mission Veng Vikings chu Tuikual lakah 60-68 in an tlawm, Phengphehlep lamin MSL season 3 semifinal-a an ngam loh lakah phuba an la. Inkhel pakhat zawkah MSL vawi hnih champion tawh Khatla TBL chuan Zarkawt BCA 68-64 in an hneh ve bawk.

Tuikual leh Khatla te hi tualchhung basketbball inelnaah an inhmachhawn ngun hle, MSL2-ah Khatla hian state pawn player nei chungin Tuikual lakah hnehna changin nomawi an chawi. Season hmasa season opening-ah erawh Mizo hlanga khelin Tuikual hian 72-66 a hnehna changin nomawi an chawi ve thung. Tun hnaiah zanin hi final-a vawi thum an intawnna tur a ni a, chungnung zawk nih an tum ruh khawp ang.

Ningani zan Inkhel Results
Semifinal
Mission Veng Vikings 60 - 78 Tuikual South
Zarkawt BCA 64 - 68 Khatla TBL
Zanin Inkhel Tur
Final
05:00 PM Chawnpui BC vs Saron BC (Hmeichhia)
08:00 PM Tuikual South BC vs Khatla TBL