Ferrari engine hmang zel tur Sauber

Car intlansiakna ngaihhlut ber Formula 1 team zinga mi Sauber chuan kum 2018 season thleng Ferrari engine hmang zel turin thutlukna an siam.

Sauber hian tun season-ah team dang an elphak lo hle, intlansiak vawi 10 an neih tawhah team championship lamah point hnih bak an la hmu lo, table mawngphaha awm McMaren (2points) chiah an hnuaiah an awm.

Kum sarih chhung an thawhpui tawh Ferrari nen hian an in mangṭha dawn niin a lang a, Honda nen inremna ziak tura ngaih an ni. Mahse, an thawhpui ngai nena hun rei zawk thawhho an thlang ta zawk a ni.

Sauber team principal Fred Vasseur chuan, "Sauber F1 team leh Ferrari te hian inzawmna thuk tak kan nei tawh a, hun lo kal leh zel turah pawh hmasawnna kan neih theih ka beisei. Kan thawhhona a ṭhat a avangin result ṭha pawh kan hlawhchhuah vat beisei a ni bawk," tiin a sawi.