Hungary-ah Hamilton a chak

Lewis Hamilton chuan Hungarian Grand Prix-ah hnehna a chang a, driver champion lai hian tun season bika a vawi khat nan championship table-ah hma a hruai nghal bawk.

World champion vawi ruk ni tawh Hamilton-a'n Hungary bikah hian vawi riat hnehna a chang ta chiah. Michael Schumacher-a'n French Grand Prix-a vawi riat hnehna a lo chan tawh record nih rualin, inelna hmun khat bika chak hnem ber an ni.

Britain tlangval hi tun season intlansiak pathum an neih tawhah vawi hnih a chakna a ni a, a chesual viau a nih ngawt loh chuan kuminah hian a nomawi kawl lai a humhim leh ngei theih hmel. Kum 35 mi Hamilton chuan, "Boruak hrang hrang vangin season ṭan dan a awlsam lo, tunah erawh thil a pangngai leh ta," a ti. August 2, Pathianni hian Silverstone tlankawngah British GP an tlan leh dawn a, he tlankawngah hian inelna dang pakhat an tlan zui leh bawk ang.