Coutinho hoin Reds an chak

Barcelona nena sawizawm hlawh mek Philippe Coutinho chu captain armband hreng chungin Liverpool tan a inlan a, pre season friendly match-ah Hertha Berlin chu 3-0 in an hneh. Liverpool tana chanchin lawmawm chu nipui transfer-a an player lakluh pahnihin goal an khung kha a ni ngei ang.

Chelsea aṭanga Reds zawmtu rawlthar duhawm Dominic Solanke chuan Liverpool tana inkhel bul a ṭan hmasak berah goal hmahruai a khung nghal a, Georginio Wijnaldum chuan a belhchhah ve leh bawk. Reds-in an la duhtawk mai lo, pound maktaduai 34-a an lakluh Mohamed Salah chuan an goal thumna a khung - Salah goal khung hi Coutinho siamsak a ni.

Reds manager Jurgen Klopp chuan Coutinho an chelh tur thu a sawi nawn leh ta. Inkhelh zawhah German coach chuan, "Coutinho leh Salah hi top player an ni a, anni pahnih kan kawl thei hi kan lawm takzet a ni," tiin a player thar Coutinho leh Salah an la inkawp zel tur thu a sawi - Barcelona tan thu hriat nuam a ni lo ang.

Liverpool tan Hull City aṭanga an lakluh Andy Robertson chuan a match hmasa ber a khel a, hliam vanga rei tak a inlan loh hnuah Sadio Mane chuan Reds kawr hain khelmual a rap leh ta bawk.

Liverpool tana inlan

Mignolet; Gomez, Klavan, Matip, Moreno (Robertson); Can, Wijnaldum (Henderson), Lallana (Salah); Mane (Sturridge), Firmino, Coutinho.