Kohli hoin India an chak

Sri Lanka-a test, ODI leh T20 series khel tura thang mek India chuan an test match hmasa berah run 304-in Sri Lanka an sawp nghal. India hian first innings-ah run 309-in hma an hruai a, Shi­khar Dhawan (190) leh Che­tesh­war Pujara (153) ten cen­tury an vaw chhuak ve ve.

Second innings-ah India tan Virat Kohli-a'n run 103 siamin a out lo a, over 53-ah India-in duhtawkin run 240 an siam. Test match hmasa ber ni linaah hian Sri Lanka-in hnehna chang turin run 550 an siam a ngai a, an batsman pahnih Asela Gunaratne leh Rangana Herath te hliam vanga an bat theih loh karah Sri Lanka hi run 245 siama an out vek avangin India hi an chak zawk ta a ni.

Test match hnihna hi August 3-ah Colombo khawpuiah khelh ṭan leh tur a ni ang.

1st Innings
India
133.1 overs 600 (all out)
Sri Lanka
78.3 overs 291 (9)
2nd Innings
India
53.0 overs 240 (3)
Sri Lanka
76.5 overs 245 (8)