Mizoram chess inelna lian a hlawhtling

Mizoram Chess Association buatsaih - MCA Rating Tournament lian, pawisa fai tamna ber David Memorial Chess Championship chu August 23-25 chhung khan Ramhlun Indoor Stadium-ah hlawhtling taka neih a ni.

Mizoram hmun hrang hrang aṭangin infiammi 126 zet an fuankhawm a, a duh apiang tel theihna 'Open Category' huangah Lallianmanga, Champhai a champion. Kum bithliah hrang hrang inelna bakah mimal lawmman siam a ni bawk.

Inelna hi David Lalrinawma hriatreng nana buatsaih a ni a, tualchhung chess inelna huangah chuan ngaihhlut hlawh niin kum hnih danah an khel ṭhin. Lawmman atan hian a pumpuiah Rs 1,60,300 sem ral a ni.

October 26-28 chhung hian Mizoram Open Tournament chu Champhaiah neih a ni leh dawn. Mizoram Chess Association chuan tualchhung chess player ṭhate chu inbuatsaihna lo neih ngawrh turin a sawm.

Result Kimchang
Open
1 Lallianmanga Champhai Rs. 30,000/-
2 Saingura Sailo Kolasib Rs.20,000/-
Veteran
1 Vanlalzarliana Serchhip Rs. 3,000/-
2 R. Sangvunga Durtlang Rs. 2,000/-
Under-17
1 R. Lalhmangaihzuala Thakthing Rs. 3,000/-
2 V.L Ruatfela Hmar Electric Veng Rs. 2,500/-
Under-15
1 Thomas Remsangzuala Mission Veng Rs. 3,000/-
2 Zothanhlira Royte Republic Veng Rs. 2,500/-
Under-13
1 K. Lalnunmawia Zonuam Rs. 2,500/-
2 J. Laldinpuia Hlimen Rs. 2,000/-
Under-11
1 C. Lalmuanzuala Chhinga Veng Rs. 2,000/-
2 Adela Zonuntluangi Tlangnuam Rs. 1,700/-
Under-9
1 Pius Muanzuala Tlangnuam West Rs. 1,500/-
2 Anwasha Kundu Thakthing Rs. 1,300/-
Special Prize
Youngest Participant Anthony Lalmuanpuia Rs. 500/-
(kum 8)
Most Senior Award Sangkhuma (kum 70) Rs. 500/-
Best Dressed Award Zakima Rs. 500/-