Bilbao-ah Herrera a kir

Athletic Bilbao chuan midfielder Ander Herrera chu loan hmangin Paris St Germain aṭangin an la kir. Manchester United midfielder hlui Herrera hian a pianna khua Bilbao club-ah hian season khat chhung loan hmangin a khel ang a, Los Leones (Bilbao sawina) hian an player hlui hi a ngheta laklet theihna an nei bawk.

Kum 33 mi Herrera chuan, "Athletic-a ka kir leh hi ka lawm. Ka chhuahsan aṭangin kum riat a ral tawh a, ka awm loh hnuah pawh hma an sawn zel. Team ṭha tak an nih avangin beiseina pawh an nei sang a ni," tiin a sawi.

Herrera hi Bilbao-a piang ni mah se Real Zaragoza aṭangin bul a ṭan a, Athletic Bilbao tan hian season thum khelin Copa del Rey leh Europa League final a thlen pui a ni.