Sneijder leh Nice indawr lo

Turkish club ṭha Ga­latasaray-in a duh lam hawi thei tura an chhuah zalen Wesley Sneijder chu tun hnaiah French club Nice nen sawizawm ni mah se Dutch midfielder agent Guido Albers chuan Ligue 1 club nena indawrna an neih loh thu a sawi.

Sneijder-a agent Albers hian Champions League third qualifying round-a Nice leh Ajax 1-1 a an inhnehtawk ṭum­in a hmunah inkhel hi a en a, Nice hotute nen an indawr vanga he inkhel hi en nia sawi a ni.

Mahse, Albers chuan, "Ajax-ah hian ka player engemawzat an awm avangin inkhel ka en ve chauh a ni zawk. Nice khelmual leh an fan-te kha an ngainatawm ka ti a, mahse an club hotute nen indawrna engmah kan nei lo. Nakinah chuan Sneijder lakluh duh­te chu an la rawn inlar mahna, mahse tun dinhmunah chuan eng­mah a awm lo," tiin a sawi.