Atlanta-ah Isner a chak ber

Pathianni zan khan John Isner chuan Ryan Harrison hnehin Atlanta Open no­mawi a chawi. Isner hian Atlanta-ah hian vawi riat a inlanah ṭum sarih final a lut thei a, kumin hi vawi li a champion-na chiah a ni.

Atlantic Station-a final inkhel inhnehtawk takah American tlangval Isner hian seeded palina Ryan Harrison chu 7-6 (8/6), 7-6 (9/7) in a hneh.

Kum 32 mi Isner hi Grand Slam hnuhnung ber Wimbledon-ah khan second round paltlang loin a tla a, Atlanta-ah erawh dan theih a ni lo. Match li a khelhah set khat mah a hloh lo, a khingpui apiang straight set-in a hneh vek tihna a ni.