Boxer, R&J leh Official tan MIZBA-in thuchhuah an siam

Mizoram Boxing Association (MIZBA) chuan nimin khan thuchhuah an siam a, an hnuaia amateur boxer-te chu MIZBA hriatpui inelnaah chauh an khel tur a ni tih an hriattir.

August 9, 2022-a MIZBA executive committee meeting-in a rel tawh angin boxer, R&J leh official tan thuchhuah hi an siam a, an hriatpui loh inelnaa tel turte chu an phu tawk hremna an pek tur thu an puang.

MIZBA thuchhuah chu
i) Mizoram Fight Night chauh hi Mizoram Boxing Association chuan approval a pek a ni tih kan han inhriattir nawn leh a ni e.
ii) MIZBA Circular/inkaihhruaina zawm lo R&J/ Official leh Boxer te an awm a nih chuan BFI/MIZBA dan tlawh chhanin an phu tawk a hrem an ni ngei ang
iii) Tin, MIZBA hian BFI instruction chauh a zawm tur a ni a. AIBA Rules & Regulation te hi direct-in kan hmang ve thei lo tih kan inhriattir e.