Gerrard-a'n fans lawm lohna a hrethiam

Aston Villa boss Steven Gerrard chuan West Ham laka 1-0 a an tlawm hnuah fan-te lawm lohna a hriatthiam thu a sawi a, English coach chuan, "Fan-te lawm lohna hi kan hrethiam takzet a, kei aia lawm lo hi an awm lo hial ang," a ti.

Villa hian an league match hmasa berah rin loh takin Bournemouth chu 2-0 in an ngam lo a, a hnuah Everton ngam mah se, Crsytal Palace (3-1) leh Hammers (1-0) lakah an tlawm leh ta.

David Moyes-a enkawl West Ham tan Pablo Fornals chuan goal awmchhun a khung a, London club-in a zawna match thum an tlawm hnuah Gerrard-a team hnehin an intuaithar - Villa fans lawm lo hi a awm lo hran lo.

Gerrard chuan, "Beng pahnih ka nei a, thil tam tak ka hria. Fan-te lawm lohna pawh ka hria a, ka beng pahnih hi a la ṭhat em avangin fans thawm zawng zawng ka hre vek.

"Football khawvelah hun ka hmang rei tawk lo a, match thuma vawi thum tlawm chu fan-ten an duh lo tih ka hrechiang a, keipawhin ka duh lo - chuvangin an lawm lohna hi ka hrethiam a ni," a ti.

Villa hian Nilaini zan dar 12:00-ah hmahruaitu Arsenal an lenchilh zui dawn a, Inrinni zanah Manchester City an mikhual dawn bawk avangin a zawna chak loh chhunzawmna chance a sang hle.

Rangers boss hlui Gerrard chuan, "Tuna kan tih theih awmchhun chu insiamrem a, theihtawp chhuah a ni. Kan insiamrem theih nan ka theihna zawng zawng ka hlan dawn a, staff-te pawhin chu rilru bawk chu an pu.

"Mahse, player-te pawhin he rilru hi an put ve a ngai a, theihtawp an chhuah tlan a, a chung lama kan chhoh leh theih nana kan ṭanrual a ṭul a ni," a ti.

Villa Park-a an tlawm zawhah Villa player-te chu fan-ten an au el a, Gerrard pawh dressing room pan tura a chhuak chu fan-te hian an au el bawk a ni.