Forest-in Lodi an lalut ta

Nottingham Forest chuan Atletico Madrid full back Renan Lodi chu season khat chhung an hnena loan-a khel turin an lalut ta a, tun nipui transfer-a player an lakluh 18-na a ni.

Brazil tana vawi 15 inlan tawh Lodi hian July 2019 khan Brazilian club Athletico Paranaense aṭangin Atletico hi a zawm a, match 118 zet khelhsakin, goal ruk a khung a, assist vawi 11 a nei.

Kum 24 mi Lodi hian Champions League-ah match 27 zet a khel tawh bawk a, a kum naupan ngaihtuaha tawnhriat a neih ṭhat avangin Forest tan player ṭangkai tak a ni thei ang.

Forest hian loan-a Lodi an hawh manah pound maktaduai 4.24 vel an seng nia sawi a ni a, Brazilian defender hi season tawpah an duh chuan £25mtd-in a nghetin an lalut thei dawn a ni.

Lodi hian season hmasa khan Atletico tan match 42 zet a khel a, 2020-21 season-ah khan La Liga nomawi chawipuiin, an champion kalkawngah hian league match 23 a khel.