Axelsen hnehin Momoto a champion

Badminton inelna Malaysia Masters chu Pathianni khan a hmawr bawkna neih a ni, final inkhel hmuhnawm takah Kento Momota chuan Viktor Axelsen 24-22, 21-11 a hnehin a champion.

Japan tlangval hi tun hnaiah mipa player hmuhnawm leh hlawhtling ber a ni mek, tun ṭuma hlawhtlinna a chan pawh hi nipui laia khelh tur Olympic atana inbuatsaihna ṭha tak a ni ang - season hmasa khan title 11 ngawt a la thei a ni.

World number 1 Momoto chuan, "Inelna ka hmachhawntir lamah kha chuan 100% in ka dinhmun a ṭha lo, vanneih thlak takin ka dam chho zel. Final kan khelh meuh chuan duhthusamin ka dinhmun a ṭha tawh," tiin a sawi. Pathianni zan, keini lama Thawhṭanni zing lam ni tawh tho khan Momota hi motor chetsualnaah a tel! Motor chesualah hian driver a thi a, midang chuang pali erawh an dinhmun a ṭha.

2020 Malaysia Masters

Men's Singles    Kento Momota

Women's Singles    Chen Yufei

Men's Doubles    Kim Gi-jung

    Lee Yong-dae

Women's Doubles    Li Wenmei

    Zheng Yu

Mixed Doubles    Zheng Siwei

    Huang Yaqiong